بسم
الله الرحمن الرحيم
النهاردة هانتكلم ببساطة عن ازاي تحصل على
عملات رقمية اونلاين مجانا من مجموعة مواقع انا مجربها بنفسي و كل ما اجرب موقع
جديد و أتأكد منه هاحدث البوست ده و انزل اللنك الجديد.. مجموعة المواقع دي كل واحد
فيهم بيديك شوية ساتوشي بشكل عشوائي و الساتوشي دي تعتبر زي القرش او المليم بتاع
البتكوين و كل ما تجمع ملاليم اكتر بعد فترة من الزمن تلاقيها قيمتها بتزيد مع
ارتفاع قيمة البتكوين و مش مطلوب منك غير انك تفتح المواقع دي كل فترة تتراوح بين
خمس دقايق و لحد ساعة كاملة او كل ما تلاقي نفسك فاضي كانها جيم بتلعبها على
الموبايل..لو قدرت تسجل في عشر مواقع مثلا و تلف عليهم كل ساعة لفة تاخد فيها 50
ساتوشي و في اليوم تعمل لك عشر زيارات يعني 500 ساتوشي او عشرين زيارة يعني 1000
ساتوشي يوميا ففي الشهر هاتقدر تعمل لك من 15000 ل 30000 ساتوشي و دول قيمتهم بتزيد كل يوم
مع ارتفاع قيمة البتكوين و كذلك بتقل معاه..لكن انا براهن على ان البتكوين الواحدة
هاتوصل مليون دولار في يوم من الايام و ساعتها هاتشكرني على شوية الساتوشي اللي
انت جمعتهم مجانا.
أول خطوة هاتحتاجها انك يكون معاك ايميل شغال
و متفعل برقم تليفونك الموبايل و أفضل شركة بتقدم الايميل المجاني هي شركة جوجل و
الخدمة اسمها جيميل!! ايوه هي بتاعة الاندرويد و اللي كل الناس تقريبا عندهم واحد
منها بس لازم تبقي فاكر الباسسورد كويس و تفعل رقم الموبايل بتاعك عليه عشان تقدر
تستعيد الاكونت لو نسيت الباسسورد او الاكونت اتعلق لأي سبب. سجل من هنا
تاني حاجه هتحتاجها هي رقم محفظة بتكوين اليكترونية
تحتفظ فيها بالعملات اللي هاتحصل عليها و في هنا شركتين المفروض تشترك فيهم الشركة
الاولي بتديك محفظة كبيرة و التانية بتدي محفظة صغيرة و شوية شوية هاتعرف الفرق
بينهم وليه لازم تستخدمهم
الاولي اسمها كوين بيز و ده اللنك اللي تقدر
تسجل من خلاله و تحصل علي المحفظة الخاصة بيك مجانا
التانية من نوع مختلف شوية اسمه مايكرو والت
و دي زي محفظة وسيطة مجانية برضه بس بتساعدك انها تجمع لك العملات المختلفة من
المواقع الكتير لحد ما تنقل العملة للمحفظة الكبيرة بتاعة كوين بيز و ده اللنك
بتاعها
بعد ما عملت الايميل و ربطته بخط تليفونك و
عملة محفظة الكوين بيز و محفظة المايكرو والت . دلوقتي لازم تدور على عنوان محفظتك
الرقمية و تحتفظ بيه على الموبايل عشان اي موقع هاتدخل عليه هايطلبه منك عشان يحول
لك العملات بتاعتك عليه و العنوان ده بيكون شكله غريب شوية زي كده
13Qpc7T8H7FFFaa1L8ufyvtFAMQHYEreih
وده
صعب انك تحفظة او تكتبه فالافضل تحتفظ بعنوانك الخاص كوبي بيست على موبايلك.
دلوقتي بقي ندخل على المواقع اللي بتديك الساتوشي
المواقع دي كل موقع فيهم هاتدخل عليه تعمل signup
و تديله البيانات اللي هايطلبها سواء كان ايميلك او رقم
موبايلك او عنوان محفظة البتكوين بتاعتك و بعدين تدخل كود التأكيد من انك انسان
و تعمل roll or claim
ده الموقع الأول
و ده التاني
على فكرة المواقع دي فيها كتير بيكون نصاب او
مش بيديك الرصيد بتاعك فعلا عشان كده انا بجربها بنفسي و بسحب منها الاول قبل ما
أنزلها هنا لكن عشان الموضوع ده بياخد وقت و مجهود كتير فلو انت الانجيليزي بتاعك
كويس و فاهم شوية في تأمين حسابك ومكافحة الفيروسات وحابب تساعدني في اكتشاف
المواقع الجديدة فممكن تسجل بياناتك هنا و هاتواصل معاك شخصيا عشان نكون فريق
لاكتشاف المواقع الجديدة و نعمل لنا جروب خاص على الفيسبوك و الواتس اب و ده لنك
التسجيل
